Бишкектеги мурдагы Өкмөт үйүнүн алдында өтүп жаткан мөөнөтсүз акция бүгүн да уланат. Апрель окуясында жакындарынан ажырагандар жана “Мекен шейиттери”, “Айкөл Ала-Тоо”, “7-апрель” кыймылдары “Ата Журт” партиясын парламентке өткөрбөө талабы менен 12-октябрда нааразылык иш-чарасын башташкан. Алгач Жогорку Кеңештин алдында уюштурулган иш-чара кийинчерээк 7-апрелде кан төгүү болгон Акүйдүн алдында көчтү. Буларга бүгүн Нарын облусунан да кишилер келип кошулары кабарланган.(ZKo)
