Кытайдын вице-президенти Си Цзиньпин кубаттуу аскерий комиссиянын төрага орун басары болуп шайланды. Си маанилүү орунга Кытай компартиясынын Борбордук Комиетинин дүйшөмбү күнү аяктаган V пленумунда тандалды. Бул дайындоону көпчүлүк серепчилер 57 жаштагы Си 2012-жылы президент Ху Цзинтао кызматтан кеткенде анын ордун ээлөөчү жышаана катары баалашты. Аскерий комиссия Кытай элдик армиясынын ишмердүүлүгүнө көзөмөл кылат.