Иш таштоо, демонстрациялардын айынан жети күндөн бери өлкөдө коомдук транспорт, мектептер жана 4 миңдей май куючу жайлар толук режимде иштебей жатат. Айрым жерлерде дүкөндөрдү тоношту, Париждин четинде машинелерди өрттөштү. Бирок президент Николя Саркози өзүнүн планын баары бир ишке ашыра турганын кайталады. Ал пенсияга чыгуу жашын 60тан 62 жашка чейин көтөрүү тууралуу мыйзам долбоорун бир-эки күндө Сенатка добушка коймокчу.
