Буга байланыштуу Улуттук филармонияда өтүп жаткан иш-чарада сүйлөгөн сөзүндө президент Роза Отунбаева Кыргызстан БУУнун коопсуздук кеңешине 2012-2013-жылдар үчүн утурумдук мүчө болуп шайланууга аракеттенүүдө деп билдирди. Анын айтымында, бул такай эмгекти талап кылат. Кыргызстан буга чейин БУУнун Башкы ассамблеясынын сессия төрагасынын орун басарлыгына эки жолу шайланган, 2009-2012-жылдар үчүн Улуттар уюмунун адам укугу кеңешине кирген.(ZKo)
