Өлкөнүн бир катар шаарларында бүгүн алар пенсиялык реформага каршы жүрүштөрдү өткөрүшөт. Студенттердин маршы бейшемби күнгө белгиленген жалпы улуттук иш таштоо алдындагы "башкы репетиция" катары каралып жатат. Пенсия курагын эки жылга жогорулатууну караган мыйзам долбоорун эртең парламент биротоло бекитүүгө тийиш. Андан соң ага мыйзамдын демилгечиси президент Николя Саркози өзү кол коюушу керек.
