Жогорку Кеңештин басма сөз кызматынан “Азаттыкка” кабарлашкандай, буга коалиция түзүү үчүн фракциялардын кеңешүүсүнө убакыт керектиги себеп болду. 5-чакырылыштагы Жогорку Кеңештин депутаттары 10-ноябрь күнү депутаттык мандатка ээ болушту, парламентте беш фракция түзүлгөн. Буга чейин Социал-демократиялык партиясы “Республика” партиясы менен бир коалицияга биригүүнү чечкенин маалымдашкан. Ал эми “Ата-Журт” партиясы “Ар-Намыс” менен стратегиялык келишим түзүлгөнүн кабарлаган.(ZKo)
