Президент Роза Отунбаева коалициялык өкмөт түзүүнү Жогорку Кеңештеги Социал-демократиялык фракцияга тапшырды. Бул тууралуу “Азаттыкка” президенттин маалымат катчысы Султан Каназаров билдирди. Маалыматка караганда, азыр фракция ичинде коалициялык өкмөт боюнча кеп-кеңешүү жүрүп жатат. Бүгүн түштөн кийин парламентте “Ата-Мекен” фракциясы жабык жыйынга чогулат. Партия лидери Өмүрбек Текебаев "Азаттыкка" анда фракциянын ички иши тууралуу маселелер талкууланат, деп билдирди. (EBM)