Биргелешкен билдирүүдө топтун мүчөлөрү валюталардын алмашуу наркын рыноктун талаптарына ылайык кармаганга, атаандашкан девалвация саясатынан баш тартууга макулдашканы айтылат. Эксперттер документтеги бүтүмдөр чаржайыт сомолонгонун, чечилбеген дагы көп маселелер калганын белгилешти. Жыйында экономикалык кризистин кесепеттерин жоюуга байланышкан башка да проблемалар талкууланды. Мындан тышкары "чоң жыйырманын" мүчөлөрү эл аралык финансы мекемелеринин ишине бир катар өзгөртүүлөр киргизүүгө, атап айтканда, Эл аралык валюта фондусунда чечимдерди кабыл алууга өнүгүп жаткан өлкөлөрдү көбүрөөк катыштырууга макул болушту.
