Президент Хамид Карзай АКШлык аскерлер Ооганстандагы операцияларын, айрыкча, түнкү жортуулдарын токтотуусун каалаганын билдирди. Ооган прездентинин “Вашингтон Пост” гезитине айтышынча, аскердик түнкү иш-чаралар карапайым элдин талип козголоңчуларына кошулуп кетүүсүнө өбөлгө түзүүдө. Карзай анын мындай сөзү жоочуларга каршы согуш аракетинде “колго түшүр-өлтүр” деген стратегияны тутунган делген АКШ генералы Дэвид Петреус менен араздаштырганын белгилейт. Генерал Петреус - Ооганстандагы НАТО күчтөрүнүн командачысы. “Вашингтон Посттун” жазышынча, АКШнын атайын күчтөрү соңку үч айда оогандардын үйлөрүнө жасалган түнкү жортуулда козголоңчулардын 368ин, анын ичинде бир катар лидерлерин жок кылган же туткунга алган.
