Азыркы өкмөт сунуш кылган салык реформасына каршы 2000дей адам бүгүн Киевде, парламент имаратынын сыртына чогулду. Демонстранттардын көз карашында, өкмөт сунуш кылган реформа ири ишканаларга салык жеңилдигин тартуулоо менен орто жана чакан бизнести муунтат. Шейшемби күнү бүгүнкүдөй митингдер Киев менен катар Харьков, Донецк шаарларында да өткөн жана алар президенттик кызматка быйыл февраль айында Виктор Янукович киришкенден бери өткөн эң ири демонстрациялар болду.
