1-2-декабрда Астанада өтүүчү ЕККУнун саммитине катышкандан кийин АКШнын мамлекеттик катчысы Хиллари Клинтон Кыргызстанга да келмекчи. Бул тууралуу АКШнын Кыргызстандагы элчилиги кабарлайт. Кыргызстанда ал президент Роза Отунбаева жана башка бийлик өкүлдөрү менен жолугушуп, өлкөдөгү саясий процесстер, жакында эле өткөн парламенттик шайлоо жана эки тарапты кызыктырган айрым маселелер тууралуу сүйлөшөт. Мамлекеттик катчы коңшу Өзбекстанга жана Бахрейнге барары күтүлүүдө. (IJz)
