Мамлекеттик маалымат каражаттары билдиргендей, Бээжин менен Шанхайдын ортосундагы али ачыла элек темир жолдо жүргүнчү поезди саатына 486 чакырым ылдамдык менен өттү. Синхуа кабар агенттиги бул "жаңыланбаган кадыресе коммерциялык поезддердин ичинен эң жогорку көрсөткүч" деп жазды. Жаңы каттам 2012-жылы ачылып, Бээжинден Шанхайга азыркыдай 10 саатта эмес, беш саатта жетүү мүмкүн болот. Кытай мындай ылдам жүргөн поезддердин тармагын 2012-жылга чейин 13 миң чакырымга көбөйтүүнү пландап жатат.
