АКШнын Мамдепартаментинин кабарында мамкатчы Хиллари Клинтон кайсыл беларусиялык адам укугун коргоочу активисттер менен жолугушканы такталган жок. Болгону алар “беларусиялык жана Америкада жашаган беларус укук коргоочулары” деп гана аталды жана алар президент Александр Лукашенкого каршы чыккан оппозициянын өкүлдөрү эмес экени белгиленди. Мамдепартаменттин расмий өкүлү Марк Тонер бул жолугушууну “Клинтон айым үчүн Беларустагы репрессивдүү абалды” талкуулоо жана ага Кошмо Штаттардын камтамачылыгын билдирүү мүмкүнчүлүгү деди. Беларуста 19-декабрда өткөн президенттик шайлоодон кийинки демонстрацияларда жүздөгөн адамдар кармалып, айрымдарына күч колдонулганы кабарланган.
