Түндүк Корея тараптан кокус кол салынса, Түштүк Корея жооп чара көрүүгө укуктуу экендиги жөнүндө АКШнын коргоо министри Роберт Гейтс билдирди. Ал Жапонияда иш сапары менен жүргөн жеринен ошол эле учурда Түштүк Кореяны жана башка коңшу өлкөлөрдү Пхеньян тараптын согушка алып баруусу мүмкүн болгон чагымчыл аракеттерин алдын алуу үчүн дипломатиялык кадамдарды күчөтүүгө чакырды. Эки корей өлкөсүнүн мамилеси былтыр ноябрда Түндүк Корея Түштүк Кореянын Йонпхендо аралын артиллериядан аткылагандан бери курчуп кетти. Анда төрт адам каза тапкан.
