Экономикалык тескөө министри Учкунбек Ташбаевдин өкмөттүн бүгүнкү жыйынында билдиргени боюнча, 2011-жылы Кыргызстандын ички дүң продукциясынын көлөмү 245,5 миллиард сомду түзүп, 6,3 пайызга өсөөрү күтүлүүдө. Ички дүң продукциянын өсүшүнө кызмат көрсөтүү тармагы көп салымын кошоору белгиленди. Алдын ала божомол боюнча бул тармак өлкөнүн ИДПсынын 45,6 пайызын түзмөкчү. ИДПны өстүрүүчү негизги тармак катары өндүрүш, айыл чарба, курулуш тармагы эсептелинүүдө. Бул тууралуу өкмөттүн басма сөз кызматынан кабарлашты. (KKs)
