Египеттен 160 кыргызстандык бүгүн келиши мүмкүн

Тышкы иштер министрлигинен билдиришкендей, учурда Египеттен кыргызстандык жарандарды алып кетүү боюнча бардык даярдык иш-чаралар соңуна чыгып калды. Каирдеги штабда түзүлгөн тизмеге ылайык 160 кыргызстандык жарандар Египеттен кетүүгө даяр экенин билдиришти. Египеттен Кыргызстанга учуу 8-февралда Каир убактысы боюнча 16.00гө белгиленген.

Александрия, Таба, Хургад шаарларынан Египеттеги башаламандыктарга байланыштуу 175 адам өз мекенине кайтуу ниети менен кайрылган. (КЕ)