Кечээ (8-февралда) баш калаада өкмөткө каршы эң ири демонстрация өттү. Борбордук Тахрир аянтына 250 миңдей адам чогулду. Өлкөнү 30 жылдан бери башкарып келаткан президент Хосни Мубарактын режимин кулатууну максат кылгандар ушул аптанын жума күнү (11-февралда) элди мындан да алкактуу жыйынга чакырышты. Президент өзү быйыл сентябрда кызмат мөөнөтү аяктаганда гана иштен кетээрин билдирген. Бийлик менен оппозициянын сүйлөшүүсүндө реформа жөнүндө берилген убаданын алгачкы кадамы катары өлкөдө саясий себептер менен камакка алынган 34 адамдын бошотулушу аталууда.
