Египеттин президенти Хосни Мубарактын өлкө борборунан чыгып кеткени кабарланууда. Каирде президент сарайы менен мамлекеттик телестанциянын алдында он миңдеген демонстранттар калкыйт. Дагы миңдеген адамдар Каирдин четиндеги тикенектүү зымдар менен курчалып, оор техника кайтарган президенттин резиденциясына көздөй агылып баратканы маалымдалууда. Демонстранттар Мубарактын президенттиктен кетпегенине нааразы. "Ал-Арабия телеканалы" 11-февралда Хосни Мубарак үй-бүлөсү менен курортуу Шарм ал-Шейх шаарына эртелеп учуп кеткенин кабарлады.
