Ливияда элдик толкундоо Трипполиге жетип, демонстранттар Жашыл аянтта президент Муаммар Каддафинин колдоочулары менен кагылышканы кабарланууда. Ал эми өлкөнүн чыгышындагы Бенгази шаарында армиянын айрым аскерлери кызматын таштап, «шаарды бошотконун» жарыялашкан. Өлкө боюнча толкундоолорго байланыштуу аз дегенде 170 киши курман болгондугу кабарланууда. Батыш өкмөттөрү кан төгүүнүн күч алышына тынчсыздануу билдиришти.
