ЛЭМдин жетекчиси Каддафинин айынан кызматтан кетти

Лондондогу белгилүү окуу жайлардын бири - Лондон экономика мектебинин жетекчиси Ховард Дэвис Ливиянын президенти Муаммар Каддафинин уулу менен тыгыз байланышы үчүн кызматтан кетти.

2009-жылы аталган университет Саиф Каддафи башкарган кордон 300 миң фунтту илимий изилдөө иштери үчүн алган. Саиф Каддафи өзү бул жерде окуп, илимдин кандидаты даражасын коргогон. Ошондой эле Ховард Дэвис Ливияга барып, өлкөнүн каржы институттарын модернизациялоо тууралуу кеп-кеңешин берген.