Ирактын коопсуздук аскерлери Басра шаарындагы демонстранттарды таркатуу үчүн суу атмаларды колдонушту. Ройтерстин кабарына ылайык, жергиликтүү администрация имаратынын жанына чогулган 700дөй кишини полиция ал жерден сүрүп чыгарууга аракеттенди. Бүгүн Ирактын бир нече шаарларында социалдык нааразылык акциялары өтүп жатат. Багдадда бийлик борборго унаа менен өтүүгө тыюу салгандан кийин эл демонстрацияга жөө жөнөдү. Алар коррупцияга, жумушсуздукка, коомдук кызматтардын начардыгына нааразылыгын билдиришүүдө.
