Кытайдын өкмөттүк гезити - Beijing Daily ишемби, 5-марттагы санында Жакынкы Чыгыштагы элдик толкундоолорду сындады. Гезиттин жазышынча, өкмөткө каршы жүрүштөр башаламандыктан башка эч нерсе алып келбейт жана адамдарын турмушун оорлотот. "Козголоңду бир ууч адамдар интернетти пайдаланып, мыйзамсыз жыйындарды өткөрүп уюштурууда, мындай козголоңдун Кытайда чыгуусуна негиз жок жана мүмкүн эмес", деп жазат Beijing Daily гезити.
