Линктер

бейшемби, 21-сентябрь, 2017 Бишкек убактысы 02:28

Ташкенде Human Rights Watch уюмунун кеңсеси жабылды


Өзбекстандын Жогорку сотунун бул тууралуу токтомун эл аралык Human Rights Watch уюму 10-мартта алган. Анда өзбек бийликтери кандай негизде мындай чечим кабыл алынгандыгын түшүндүргөн эмес.

- Human Rights Watch уюмун өлкөдөн кууп чыгуу менен өзбек бийлиги адам укуктары жаатындагы сын-пикирди уккусу келбегендигин ачык билдирди. Бирок биз кол куушуруп отуруп калбастан, Өзбекстандагы адам укуктарынын бузулушу тууралуу баяндамаларды даярдай беребиз, - деп айтты аталган уюмдун аткаруучу директору Кеннет Росс.

Human Rights Watch уюму Өзбекстанда 1996-жылы кеңсесин ачкан. Уюм иш жүзүндө ишмердүүлүгүн 2007-жылы эле токтоткон. Андан бери өзбек бийликтери бул уюмга жетекчи болуп келген чет элдик жарандарга Өзбекстанда иштөөгө расмий уруксат бербей, же визасын узартпай келген.

“Азаттык” үналгысы журтташтар арасында жарыялаган онлайн сынак аяктады. Сынакка келген материалдар менен бул жерден таанышсаңыз болот. ​

XS
SM
MD
LG