Лидер Муамар Каддафини колдогон армия бенгазиликтерге “түнгө чейин шаардан чыгып кеткиле, биз шаарды козголоңчулардан тазалайбыз” деп билдирди. Бирок азырынча ал жакта абал тынч экени кабарланууда. Бул шаарды азырынча Каддафинин режимине каршы чыккан козголоңчу күчтөр кармап турушат. Каддафи өзү кечээ сыналгыдан сүйлөп, Бенгазиде эч кандай деле уруш болбой турганын айткан. Ал өзүнө каршы чыккандарды “Ал-Каида” менен байланыштагы топтор деп атады.
