Пакистандын өкмөт башчысы Юсуф Реза Гилани эл аралык коомчулукту терроризмге каршы согушта көмөктөшүүгө чакырды. Гилани 4-майда Парижде француз ишкерлери менен кездешүүдө “коопсуздук жана терроризмге каршы согушуу жалгыз бир өлкөнүн иши болбошу” керек экенин айтты. Ал мындай билдирүүнү "ал-Кайида" лидери Усама бин Ладен кантип беш жыл Исламабаддан 60 чакырымдай жайда беш жыл билинбей жашап жүргөнү боюнча Пакистан-АКШ ортосунда араздашуу курчуп турган учурда жасады.
