Ливиядагы кырдаал Римде талкууланууда

Ливиялык козголоңчуларга кантип көмөктөшүү маселеси Римде талкууланууда. Жыйынга Ливиянын лидери Муаммар Каддафиге каршы эл аралык коалицияга кирген өлкөлөрдүн өкүлдөрү катышууда. Ливиянын калкын каддафичил күчтөрдүн чабуулунан коргоо боюнча авиаоперацияны НАТО жетектейт.

Жыйын ачылышында АКШ мамкатчысы Хиллари Клинтон саммитте Каддафиге каршы кысымды кантип күчтөндүрүү, ошондой эле адаватчыларга финансылык жардам берүү жагы талкууланарын айтты.