Президент Башар ал-Асаддын бийликтен кетишин талап кылган демонстрацияларга миңдеген сириялыктар катышып жатканы кабарланууда. Сириянын бийликтери бүгүн ири шаарлардын көчөлөрүнө куралчан аскерлерди тизип койгон. Ушу тапта Дараа, Баниас шаарлары танктар менен куралчан аскерлердин курчоосуна алынганына карабастан 5000дей киши жума намаздан кийин митингге чогулушту. Укук коргоочулар айтымында, Сирияда жети апта мурда башталган көчө акцияларында 500дөн ашуун адам өлтүрүлүп, миңден ашууну жараат алды.
