Кыргызстан элдик демократиялык партиясы “Бүтүн Кыргызстанга” биригет. Партиянын саясий кеңешинин тараткан билдирүүсүндө, алар өлкөдөгү социалдык-экономикалык, саясий абалды талкуулагандан кийин ушундай жыйынтыкка келишкен. "Коалициялык өкмөттүн өлкөнү терең кризистен алып чыгаруучу программасы жок. Олуттуу өзгөрүүлөргө коомдогу акыйкат күчтөрдүн биригүүсү аркылуу жетүүгө болоорун эске алдык",- деп айтылат билдирүүдө. Кабарларга караганда, буга чейин биригүү маселеси боюнча “Бүтүн Кыргызстан” партиясынын өкүлдөрү менен кеңешүүлөр болгон. (AzK)
