Кыргызстандын тышкы иштер министри Руслан Казакбаев Кытайдын тышкы иштер министри Ян Цзечи менен жолугушту. Эки тараптуу жолугушуу 13-майда Алматы шаарында ШКУга мүчө өлкөлөрдүн Тышкы иштер министрлеринин кеңешинин кезектеги жыйынынын алкагында өттү. Жолугушууда коопсуздук, соода-экономикалык жана маданий-гуманитардык кызматташтык тууралуу сүйлөшүүлөр жүрдү. Бул тууралуу Кыргызстандын Тышкы иштер министрлигинин басма сөз кызматы маалымдады.