Бүгүн Түркмөнстанда Улуттук кайра жаралуу, Биримдик жана Мактымкули Пирагы күнү. 1733-жылы жарык дүйнөгө келген Мактымкули түркмөн адабиятынын негиздөөчүсү саналат. Улуттук майрамга байланыштуу президент Гурбангулы Бердимухаммедов абактагыларга мунапыс жарыялады. Бирок канча адам абактан чыгарылары так маалымдалган жок. Майрамга байланыштуу өкмөт жетекчилери жана коомчулуктун өкүлдөрү Ашхабаддагы Эгемендик айкелине, Мактымкули башындагы түркмөн классиктеринин эстеликтерине гүл чамбарларды коюшат.
