Ооганстандын Тахар вилайетинде 200дөн ашуун киши экинчи күн катары менен НАТОнун рейдине нааразылыгын билдирип көчөгө чыгышты. Чогулгандар операцияда карапайым 4 киши окко учканын ырасташууда. Нааразы болгондор Талокан шаарында полициянын имаратын таш баранга алып, өрт коюшкан. Тартип коргоочулар элди таркатуу үчүн асманга ок чыгарганын маалымдады. Ооганстандын расмий өкүлдөрү НАТОнун 18-майдагы рейдинен өлгөндөрдүн кеминде үчөө жайкын тургундар болчу дешсе, Түндүк альянс мерт кеткендер согушкерлер болчу деп айтып келатат. Кечээ күнкү нааразылык иш-чарасы маалында бери дегенде 12 киши ок жеп жан таслим болду.