Пакистандын түндүгүндө НАТОнун Ооганстандагы аскерлерине күйүүчү май тарткан машина жарылып, өрттөн бери дегенде 15 киши каза тапты. Расмий булактардын маалыматына караганда, унаага бомба коюлган деп болжолдонууда. Жергиликтүү тургундар андан агып аткан кара майды жыйнап алууга келгенде дагы бир жардыруу болгон. Ошол эле аймакта НАТОнун 14 танкери бомба чабуулуна туш болгону кабарланууда. Кол салуудан эч ким жабыркаган жок.
