Британия бүгүн Ирактагы аскерлерин чыгаруу жараянын бүтүрдү. Ошентип, Британиянын ал өлкөдөгү 8 жылдык миссиясы соңуна чыкты. 2009-жылы аскерлердин басымдуу бөлүгү чыгарылган, бирок британ адистери ирактын жоокерлерин машыктыруу жана Ирактын жээгин кайтаруу иштерин уланта беришкен. 8 жылдын ичинде согушта британиялык 179 аскер набыт болду. Контингенттин саны боюнча Британия АКШдан кийинки экинчи орунду ээлеп келген. Бир нече айдан кийин Вашингтон да өз аскерлерин Ирактан чыгарып бүтүүнү көздөөдө.
