Германия Ливиянын Улуттук өткөөл кеңешин элдин мыйзамдуу өкүлү деп тааныды. Бул тууралуу Германиянын тышкы иштер министри Гидо Вестервелле Бенгазидеги оппозиция өкүлдөрү менен жолугушкандан кийин билдирди. Ушуну менен Германия Ливия козголоңчуларын тааныган он үчүнчү өлкө болду. Буга чейин АКШ жана Африка биримдигиндеги өлкөлөр Муаммар Каддафиге колдоо көрсөтүүнү токтотууга чакырып келишкен.
