Жапониянын түндүк-чыгыш жээгинде күчү 6,7 баллга жеткен жер титирөө катталды. Бул тууралуу АКШнын Геологиялык изилдөө борбору маалымдады. Ивате префектурасында цунами коркунучу бар деп эскертилди. Зилзаладан жабыркагандар жөнүндө кабарланган жок. Анын очогу быйыл 11-мартта катуу жер титирөө болгон аймакта жайгашкан. 9 баллга жеткен силкинүү цунамиге алып келип, бери дегенде 23 миң кишинин өмүрү кыйылган.
