Бул тууралуу “Азаттыкка” Башкы прокурордун маалымат катчысы Талант Конокбаев билдирди. Анын маалымдашынча, Башкы прокуратура атайын жумушчу топ түзүп апрель окуяларынан кийин мурунку аткаминерлерге каршы козголгон кылмыш иштери боюнча чыгарылган чечимдердин мыйзамдуулугун иликтеген. Натыйжада 132 кылмыш иш иликтенип тергөөчүлөрдүн 17 кылмыш ишин, 60тан ашуун тергөө иштерин токтотуу тууралуу токтомдору жокко чыгарылган. Конокбаев кылмыш иштеринин мыйзамсыз токтотулушуна жол берген прокуратура кызматкерлерине тийиштүү чаралар көрүлөрүн айтты. (EBM)
