Украинанын чыгышындагы Днепропетровск шаарында бир нече саясий партия узун-туурасы 30-40 метр келген улуттук байракты көтөрүштү. "Азаттыктын" украин кызматынын кабарына ылайык, көгүш-сары байракты Донецк шаарындагы тикмечи тигип, буга чейин бир нече шаарда көтөрүлгөн. Днепропетровсктин Опера аянтындагы иш-чарага жүздөгөн киши келип, байракты көтөрүүгө 100 чакты киши катышты. Уюштуруучулар байрак Гиннестин рекорддор китебине кирет деп үмүттөнүүдө.
