Зине эл-Абидин Бен Али быйыл январдагы ыңкылапта Сауд Арапстанга качып кеткен. Бүгүн Тунистеги сот Бен Алини “курал жарак, баңги зат сактаганы, археологиялык табылгаларды өзүнө алып алганы үчүн” 15 жылга сыртынан түрмөгө кести жана 79 000 долларга жакын айыпка жыкты. Мурдагы президент менен анын жубайы Лейла Трабелсини буга чейин “коомдук каражатты максыз пайдаланганы үчүн” 35 жылга эркинен ажыратуу тууралуу чечим чыгарылган болчу.
