Өкмөт ипотекалык насыя боюнча программа даярдоодо

Бул тууралуу биринчи вице-премьер-министр Өмүрбек Бабанов бүгүн Бишкектеги Жал кичи районунда жаңы курулган көп кабаттуу үйдү ачуу аземинде билдирди. Анын айтымында, ипотекалык насыя тууралуу программаны ишке ашырууга кыргыз-казак Инвестициялык фонду катышмакчы.

Жалда жаңы колдонууга берилгени жаткан көп кабаттуу үй үлүштүк негизде курулган. Үйдү курууга кеткен каражаттын теңинен азы шаардык казынадан бөлүнгөн. Бул тууралуу өкмөттүн маалымат кызматы кабарлады. (EBM)