Орусия менен АКШ ортосунда бала асырап алуу боюнча жаңы макулдашууга кол коюлду. АКШ мамкатчысы Хиллари Клинтон менен Орусия тышкы иштер министри Сергей Лавровдун билдиргендерине караганда бул макулдашуу бала асыроо жараянындагы коопсуздукту жана ачык-айкындыкты камсыздайт. Бул маселе боюнча эки мамлекет ортосунда пикир келишпестик былтыр Теннеси штатынан бир эне баккан баласын Орусияга кайра жалгыз кайтарып жибергенден кийин чыккан. Чет өлкөлүктөргө бала асыроосуна жол ачкан чечимди быйыл кыргыз парламенти да кабыл алды.
