Ош шаардык ички иштер башкармалыгы жарым жыл ичинде 57 киши өзүн өлтүргөнүн, анын ичинде эркектер арбын экенин билдирүүдө. Башкармалыктын басма сөз катчысы Замир Сыдыковдун айтуусунда, бул өткөн жылга салыштырмалуу өтө эле көп. 2010-жылы январь-июнь айларында 15 киши өзүн өлтүргөн деп катталган. ИИБ 1-июлдан 10-июлга чейин эле шаарды жарып аккан Ак-Буура дарыясынан төрт кишинин өлүгү табылганын, алар өздөрүн өлтүргөнү аныкталганын билдирди.(ZKo)
