БШК талапкерлердин мамлекеттик тилди билүүсүн текшерүгө ала турган комиссия курамын бекитти. Комиссия курамына көрсөтүлгөн 14 адамдын 10унун гана талапкерлиги өттү. Негизинен филологдордон турган комиссия курамына ЖОЖ жетекчилери, профессор, доценттер кирди. Боршайком тууралуу мыйзамга ылайык, комиссия 12 адамдан турушу шарт. БШК мүчөсү Ишенбай Кадырбеков “Азаттыкка” калган комиссия мүчөлөрү кийин бекитилээрин билдирди. Бул боюнча БШК Мамлекетиттик тил боюнча улуттук комиссияга кайрылып, талапкерлердин мамлекеттик тилди билүүсүн текшерүүгө ала турган БШК алдындагы комиссия курамына дагы талапкерлерди сунуштоону күтөт. (EK)
