АКШ өкмөтү Ысык-Атадагы балдар үйүнө жардам берди

АКШнын эл аралык өнүктүрүү агенттиги (ЮСАИД) Ысык-Атадагы “Келечек” балдар үйүн оңдоого жардам берди. Бул балдар үйүнүн полу чирип, каалга-терезелери жедеп эскирип бүткөн эле. АКШнын Кыргызстандагы элчилигинин маалымдашынча, бул иш-чаралар “Жаңылануу” деп аталган долбоордун бир бөлүгү болуп саналат жана анын алкагында Чүй менен Ысык-Көл облусундагы дагы төрт мектепти жаңыртуу каралып жатат.

Бүгүн жаңы оңдолгон “Келечек” балдар үйүнө АКШнын Кыргызстандагы элчиси Памела Спратлен барат. (EBM)