Бул тууралуу “Азаттыкка” Кыргызстандын Калкты социалдык коргоо министрлигинин басма сөз кызматынан кабарлашты. Маалым болгондой, 2011-жылдын жети айында өлкөдө 620 бала асыроого берилген. Бул 2010-жылдын ушул маалына салыштырмалуу 120-125 балага көптүк кылат. Ошондой эле жыл башынан бери асыроого бериле турган 350 бала катталган. Мындан тышкары бала багып алууга даяр 49 үй-бүлө бар экени такталган. (KKs)
