Испаниянын Барселона шаарынын “Барселона” футболдук клубу Европанын суперкубогу үчүн болгон таймашта Португалиянын “Порто” командасын 2:0 эсебинде утту. Европа футболдук ассоциациясы - УЕФАнын кубогу үчүн беттешүү Монакодо жума күнү өттү. Топторду португалиялыктардын дарбазасына Лионел Месси 39-мүнөттө жана Сеск Фабрегас 89-мүнөттө киргизди. Ошентип, “Барселона” Суперкубок үчүн мелдешке сегизинчи жолу катышып, Европанын футбол тарыхында жаңы рекорд койду. Ошондой эле каталаниялык футболчулар Суперкубокту өз тарыхында төртүнчү жолу жеңип алды.
