Бир катар чет мамлекеттердин Акыйкатчылары Кыргызстанда боло турган президенттик шайлоого байкоочу катары катышууга ниеттенип жатканын бүгүн "Азаттыкка" Акыйкатчы Турсунбек Акун билдирди. Учурда ал Таиландда өтүп жаткан Азия жана Тынч океан аймагындагы өлкөлөрдүн Акыйкатчыларынын жыйынына катышып жатат. Өз докладында ал Кыргызстандагы адам укугунун корголушу, шайлоо алдындагы саясый кырдаал тууралуу маалымат берди. Жыйынга 147 адам катышты.
