Талас облусунун Бакай-Ата айылынын тургундары суу көйгөйү өтө курч болуп жатканын "Азаттыктын" кабарчысына айтып беришти. Чака-челектер менен суу ташып келүү үчүн коңшу айылдарга, 1-2 чакырым алыс барууга туура келүүдө дешет алар. Айылга суу тоо этектеп аккан Үр-Марал өзөнүнө туташтырылган куур аркылуу келет. Суу түтүктөрү 1936-жылы курулгандыктан эскилиги жетип, көп жери керектен чыккан. (MbA)