Бажы кызматы "Ак-Жол" бекети ачык экенин айтууда

Кыргызстан менен Казакстандын ортосундагы "Ак-Жол" чек ара бекети жабылган жок. Бул тууралуу бүгүн "Азаттыкка" Бажы кызматынын басма сөз кызматынын жетекчиси Абдылда Малдыбаев билдирди. Анын айтымында, аталган бекет учурда үзгүлтүксүз иштеп жатат.

Буга чейин "Ак-Жолдо" соңку төрт күндөн бери мөмө-жемиш жүктөлгөн оор жүк ташуучу унаа чек арадан Казакстанды көздөй өтө албай турат деген маалымат түшкөн болчу. (RK)