Ушул жылдын аягында Кыргызстанга Бириккен Улуттар Уюмунун кыйноолор боюнча баяндама жазган адиси келет. Бул тууралуу 19-сентябрда президент Роза Отунбаева Нью-Йоркто БУУнун өкүлдөрү менен жолугушууда айтты. Мамлекет башчысы Кыргызстанда кыйноолорго каршы алгылыктуу аракеттер жасалып жатканын билдирди. Кыйноолорго каршы коалициянын маалыматы боюнча, айрыкча убактылуу кармоочу жайларда жылына жүздөгөн кыйноо фактылары катталат. Мындай мамилеге кабылгандардын арасында аялдар жана жашы жете элек балдар да болгону айтылууда. (RK)
