Борбордук шайлоо комиссиясы президенттик шайлоого катышам деп арызын берген премьер-министр Алмазбек Атамбаевге жасаган эскертүүсү боюнча Жогорку Сотко кайрылмай болду. Бишкектин Биринчи май райондук соту Атамбаев үгүт эрежелерин бузду деген бул эскертүү жараксыз деп чечим чыгарган болчу. Президенттик шайлоо 30-октябрда болот. Ага катышам дегендердин саны отузга жакын адам. (RK)
